فــــــــول & طعميـــــــه
** من كام يوم كده ،،،،،،،،،،
* روحت اشترى سندوتشات من عند التابعى بتاع الفول والطعميه .
وشائت الاقدار انه مايكونش فى غير كاشير واحده بس اللى شغاله .
وناس كتيير وزحمه فالراجل غالبا بتاع الكاشير اقترح على الناس تقف طابور والناس سمعت كلمه طابور دى اكنهم اتشتموا شتيمه لا تغتفر
بعض الناس وقفوا فعلا فى الطابور ولكن قلة من علية القوام لم ينصاعوا
لاوامر الكاشير واللى يقوله " ايه ياعم هو احنا هنشترى فول وطعميه ولا لحمه " وفى واحد رفض تماماَ فكره الطابور دى وفضل واقف مع نفسه بيحاول يضغط على الكاشير انه يمشيه وفضل هذا الرجل واقف زى القرطاس ومامشيش .
* طبعاَ ده موقف صغير بيحصل باشكال مختلفه فى اماكن مختلفه وبيعكس تفكير الناس وانه بعض الناس واخدنها بالدراع او معندهومش القدره على انهم يستوعبوا انه بالنظام كله هيمشى .
* يمكن علشان كده الناس بتغش وناس بتاخد الحياه فهلوه وناس بتفشل فى كل حاجه ويمكن علشان كده مابينجحلناش مشروع كبير .
اخر حاجه قريتها انه مشروع توشكا اتوقف او هيتوقف علشان مافيش تمويل ومافيش دماغ ومافيش اى حاجه ،، المشروع ده كانوا بيهللو ليه ايام مابدأوه ,, ودلوقتى كل ده فى الهوا .
* برده اللى كان بيحصل فى الانتخابات ,, الناس فاكره انه لما يجعجع ويطلع مسدس ولا يخوف اللى قدامه هيكسب ,,, هو ممكن يكسب بس احنا اللى بنخسر ،، الانتخابات فى مصر كانت فضيحه بجلاجل ,,,, علشان كانت بالدراع برده .
** من كام يوم كده ،،،،،،،،،،
* روحت اشترى سندوتشات من عند التابعى بتاع الفول والطعميه .
وشائت الاقدار انه مايكونش فى غير كاشير واحده بس اللى شغاله .
وناس كتيير وزحمه فالراجل غالبا بتاع الكاشير اقترح على الناس تقف طابور والناس سمعت كلمه طابور دى اكنهم اتشتموا شتيمه لا تغتفر
بعض الناس وقفوا فعلا فى الطابور ولكن قلة من علية القوام لم ينصاعوا
لاوامر الكاشير واللى يقوله " ايه ياعم هو احنا هنشترى فول وطعميه ولا لحمه " وفى واحد رفض تماماَ فكره الطابور دى وفضل واقف مع نفسه بيحاول يضغط على الكاشير انه يمشيه وفضل هذا الرجل واقف زى القرطاس ومامشيش .
* طبعاَ ده موقف صغير بيحصل باشكال مختلفه فى اماكن مختلفه وبيعكس تفكير الناس وانه بعض الناس واخدنها بالدراع او معندهومش القدره على انهم يستوعبوا انه بالنظام كله هيمشى .
* يمكن علشان كده الناس بتغش وناس بتاخد الحياه فهلوه وناس بتفشل فى كل حاجه ويمكن علشان كده مابينجحلناش مشروع كبير .
اخر حاجه قريتها انه مشروع توشكا اتوقف او هيتوقف علشان مافيش تمويل ومافيش دماغ ومافيش اى حاجه ،، المشروع ده كانوا بيهللو ليه ايام مابدأوه ,, ودلوقتى كل ده فى الهوا .
* برده اللى كان بيحصل فى الانتخابات ,, الناس فاكره انه لما يجعجع ويطلع مسدس ولا يخوف اللى قدامه هيكسب ,,, هو ممكن يكسب بس احنا اللى بنخسر ،، الانتخابات فى مصر كانت فضيحه بجلاجل ,,,, علشان كانت بالدراع برده .
No comments:
Post a Comment